SIKILIZA RADIO MARIA KILA SIKU

 

 

 

 

Vyombo vya Habari vya Kanisa katoliki nchini vimetakiwa kuungana na kuwa kitu kimoja na kujenga mtandao wa pamoja katika kusaidia injili na kuwafikishia wahitaji habari za kanisa na maendeleo.Wito huo umetolewa Mwishoni mwa wiki na mwenyekiti wa kamati ya mawasiliano Baraza la Maaskofu TANZANIA, Mhasham BERNADIN MFUMBUSA, wakati wa kufunga mkutano wa siku mbili wa wakugenzi wa mawasiliano wa Majimbo katoliki nchini uliojumuisha wasimamizi wa vyombo mbalimbali vya habari vya kanisa uliofanyika katika ukumbi wa Baraza la Maaskofu KURASINI.Askofu MFUMBUSA amesema Kanisa lina nafasi kubwa ya kuwafikishia wahitaji habari kwa wakati, ikiwa vyomba hivyo vitafanyakazi kwa kushirikiana na kuifanya TANZANIA kuwa mfano wa kuigwa kwa mataifa mengine.Aidha Askofu MFUMBUSA ameahidi kwa niaba ya Baraza la Maaskofu nchini kuunga mkono juhudi ambazo zitafanywa katika kuvifanya vyomba vya habari vya kanisa vinafikia hazma yake ya mafanikio kwa ustawi wa maendelea ya kanisa na watu

 

 

 TUSHILIKIANE KUCHANGIA RADIO YA MAMA

 

 

 

 

 

 

 

 

 

 

 

 

 

 

Gravatar
Created 25/10/2015
Modified 24/04/2016

KARIBU RADIO MARIA TANZANIA

 

TAARIFA YA UZINDUZI WA MARIATHON 2016

APRILI 30, 2016

Humphrey Julius Kira, Raisi wa Radio Maria Tanzania

 

Mpendwa msikilizaji wa Radio Maria,iliyo sauti ya Kikristu Nyumbani Mwako, Tumsifu Yesu Kristu!

Ninayo furaha kubwa kuwa tena pamoja nawe leo, kwa lengo la kukushirikisha mambo mbali mbali kuhusiana na utume huu uliotukuka, ambapo kila mmoja wetu anapata fursa ya kumtangaza Kristu kupitia njia ya tekinolojia ya Radio, na hivyo kutimiza wajibu wetu tukiwa wakristu wabatizwa.

Mpendwa Msikilizaji wangu, Napenda kuchukua fursa hii ya pekee kukushukuru sana, Kwa mapendo yako kwa Radio Maria yanayoandamana na majitoleo yako, daima tumekuwa tukiuona wema wa Mungu ukitenda kazi.Naamini hata wewe msikilizaji wangu umekwisha kuona matendo makuu ya Mungu yakitendeka katika maisha yako kupitia sala na mafundisho mbalimbali yanayotolewa na Radio Maria, na zaidi sana furaha na amani moyoni unazozipata kwa kuichangia Radio Maria, ili iweze kutimiza malengo yake ya kumtangaza Kristo!

Leo tunakuja kwako kukushirikisha kampeni yetu ya Mbio za Kiroho za Mama yetu Bikira Maria zijulikanazo kama MARIATHON, ambazo nchi zote zenye utume wa Radio Maria hushiriki katika mwezi wa tano, Mwezi wa Mama Yetu Bikira Maria. Hapa Tanzania tutashiriki na Mama yetu katika mbio hizi kuanzia leo tarehe 30/4/2016 na kufikia kilele chake Jumapili ya tarehe 5/6/2016.

Mwaka huu tutakuwa tukishiriki Mariathon kwa Mara ya Nne, hivyo sio jambo geni sana masikioni mwetu. Hata hivyo, kutokana na uzoefu tulionao na changamoto mbalimbali zinazo ukabili utume wetu, inatulazimu mwaka huu kushiriki mbio hizi kwa namna ya pekee kabisa, kila mmoja wetu akijitoa kwa hali na mali kuhakikisha kuwa tunayafikia malengo tunayokusudia ikiwa ni pamoja na kukitangaza chombo hiki kwa watu wengi zaidi, kuongeza Idadi ya marafiki wa Mama ambao daima wamekuwa waaminifu na wakarimu, na chachu ya kuuendeleza utume huu.

Mpendwa msikilizaji wangu, Mwaka jana tulijiwekea malengo ya kukusanya kiasi cha Shilingi milioni 150, ambapo milioni 55 zilikuwa kwa ajili ya kutunisha mfuko wa Umisionari unaoratibiwa na Makao makuu ya Familia ya Radio Maria Ulimwenguni, milioni 55 kwa ajili ya kugaramia matumizi ya kawaida ya Radio yetu kwa mwezi wa tano na zilizosalia milioni 40 kwa ajili ya kulipia leseni na vibali mbali mbali vya uendeshaji kwa mamlaka husika za Tanzania Bara na Visiwani. Tunakushukuru sana mpendwa msikilizaji wetu, kwani kwa upendo na kwa kujitoa kwako tulifanikiwa kukusanya jumla ya shilingi milioni 238, sawa na asilimia 90 zaidi ya lengo tulilojiwekea. Hii ilituwezesha kutimiza malengo yote tuliyo jiwekea na pia kufidia pengo lililo achwa wazi baada ya kukatika kwa  misaada ya uendeshaji toka kwa marafki wa Radio Maria ulimwenguni, jambo lililo changiwa kwa kiasi kikubwa na matatizo ya kiuchumi barani ulaya.

Ufanisi huo wa makusanyo, uliiwezesha Radio Maria Tanzania kushika nafasi ya kwanza katika mbio hizo miongoni mwa Radio Maria zote 19 zilizopo Barani Afrika. Asante sana na Mungu azidi kukubariki na kukuongezea kila unapopunguza kwa ajili ya Utume huu.

Mpendwa Msikilizaji wangu, mwaka huu tunakuja tena kwako tukiwa na malengo ambayo tumekusudia kuyatekeleza kupitia michango itakayo kusanywa katika kampeni hii. Bila kusahau malengo yetu ya siku zote, yaani kuitangaza zaidi Radio yetu na kuwashirikisha wadau wengi zaidi katika kazi hii ya Uinjilishaji, tunakuomba tena milioni 40 kwa ajili ya kulipia leseni na vibali mbali mbali vya uendeshaji kwa mamlaka husika za Tanzania Bara na Visiwani, milioni 90 kwa ajili ya kuendeleza na kukamilisha ujenzi wa Groto la Mama Bikira Maria kwenye Eneo la Studio kuu hapa Mikocheni Dar Es Salaam, miloni 75 kwa ajili ya kuhakikisha tunaendelea kuwa hewani kwa kipindi chote cha mwezi Mei, yaani kwa ajili ya matumizi ya mwezi na mwisho ila sio kwa umuhimu wake, milioni 100 kwa ajili ya malipo ya ada ya Umisionari ambapo Radio Maria zote ulimwenguni zinalo jukumu la kutunisha mfuko huu walao mara moja kwa Mwaka, hivyo Jumla katika Mariathon hii tunakusudia kukusanya shilingi za Kitanzania milioni 305.

Mpendwa msikilizaji wangu, naomba nikufafanulie kidogo kipengele kinachohusu ada ya umisionari. Lengo kuu la utume wa Radio Maria ni kuwezesha Injili ya Bwana wetu Yesu Kristu kuwafikia watu wote, mahali pote na kila wakati kupitia tekinologia ya Radio. Kumbe basi, kila Mwana familia wa Radio Maria anamajukumu makubwa mawili , moja ikiwa ni kuhakikisha utume huu unaendelea vizuri na bila mawaa katika eneo analoishi, na pili ni kuwa mmisionari kwa kuhakikisha kupitia michango yake ya Ukarimu na Upendo, Kristu anatangazwa Ulimwenguni pote. Kumbe basi sehemu ya Michango yetu haina budi kuelekezwa katika shughuli za Umisionari, hususani katika maeneo yenye kiu ya kufikiwa na habari njema lakini kutokana na uwezo wa kifedha na hata utulivu wa kisiasa na kijamii hawawezi kupata bahati hiyo bila msaada wako na wangu. Mfano mzuri ni Tanzania ambapo nasi kupitia mfuko huo wa Umisionari, Radio hii iliweza kutufikia, na zaidi sana, hata baada ya Miaka 20 ya uwepo wake, bado tunaendelea kupokea misaada inayotokana na mfuko huu.

Mpendwa Msikilizaji wangu, wanafamilia wa Radio Maria Ulimwenguni tumejiwekea utaratibu ambapo kila Mwaka,Mwanachama wa Jumuiya hii huchangia asilimia 10 ya makusanyo yake yote ya mwaka uliopita kwenye mfuko huu. Mwaka jana tulifanikiwa kukusanya shilingi Bilioni 1 ambapo asilimia 10 yake ni milioni 100 ambazo tunaziomba kwako katika mbio hizi za Mama. Fedha hizi zaidi yakutumika kusaidia uendeshaji wa Radio Maria ulimwenguni, pia hutumika kwa ajili ya kugharamia miradi mbali mbali ya Uinjilishaji, ambapo mwaka huu mtazamo mkubwa upo barani Afrika na Asia. Kwa upande wa Afrika tunatarajia kuanzisha Radio Maria huko Lesotho, ambapo itasikika pia sehemu za jirani za Afrika ya Kusini, kupanua usikivu huko Zambia, kujenga studio ndogo huko Kibeho (Rwanda), kupanua usikivu huko Equitorial Guinea. Pia tumekusudia kuwekeza katika maeneo yenye kulenga kudumisha Amani na pia kuleta faraja kwa wakimbizi na wafungwa. Kwa upande wa wakimbizi, tumekusudia kuwa karibu nao na kuwasaidia kiroho na kimwili, ikiwa ni pamoja na kuwawezesha kutumia Radio kuwafikia na hata kuwatafuta ndugu zao waliopotezana nao, na kushiriki sala, ibada na mafundisho mbali mbali yenye kulenga kuwarudishia matumaini na furaha iliyokwisha kupotea miongoni mwao. Kwa upande wa wafungwa, tutaendelea kuwapatia Radio ambazo huwezesha kuwafikishia habari njema yenye matumaini. Upande wa kuitangaza Amani, tunashirikiana na vyuo vya kikatoliki katika nchi za Tanzania, Rwanda na Cameroon kusaidia gharama za mafunzo kwa waandishi wa habari wenye nia ya kubobea katika habari zenye lengo la kujenga na kudumisha Amani ulimwenguni, kwani tunafahamu vyombo vya habari vina nafasi kubwa sana katika kuimarisha amani ulimwenguni.

Barani Asia, tunatarajia kuanzisha Radio Maria kwa lugha ya Kiarabu katika mji wa Erbil, mkoa wa Kurdistan huko IRAQ, ambapo limekuwa eneo la vita kwa muda mrefu sasa na tunao ndugu zetu katika Kristu ambao wana kiu ya kusikia habari njema. Idhaa hii pia itazifikia nchi nyingine zinazoongea lugha ya kiarabu. Haya ndio baadhi ya malengo ya mwaka huu ya mfuko huo wa umisionari.Kumbe, kwa kila mchango wako katika kampeni hii utakuwa umefanikisha sehemu ya kila mradi nilioutaja hapa.

Msikilizaji wangu mpendwa, kiwango cha milioni 305 kimegawanywa kwa mikoa kama ifuatavyo; Dar Es Salaam (116m), Arusha (34m), Kilimanjaro (34m), Mwanza (32m), Iringa (18m), Mbeya (18m), Songea (18m), Singida (16m), Mpanda (6.5m), Mtwara (6.5m), Mbinga (3.2m), na Zanzibar (3.2m).

Viwango hivyo ni sehemu ya yale  Malengo tuliyo waomba marafiki wa kila mkoa watuchangie kwa mwaka huu wa 2016, hivyo haviongezi malengo ya mikoa, ila kwa kuwa fedha hizi zinahitajika kwa wakati mmoja na ni nyingi, tulikusudia wakati wa kuandaa bajeti kuzikusanya katika mwezi huu wa tano, mwezi wa Mama yetu Bikira Maria.

Mpendwa msikilizaji wangu,tumeweza kutembea miezi hii minne ya mwaka huu bila hata senti moja toka kwa wafadhili wanje, na kwa mwelekeo huo, tunayo matumaini makubwa kuwa kwa kuwa tunaye Mama, basi yote yatawezekana. Hata hivyo hatuna budi kufanya kazi kwabidii, uaminifu, kujituma, na kujitoa bila kujibakiza, huku tukiweka sala mbele ya kila jambo tunalokusudia kufanya, kwa njia hiyo, tutayaona Maongozi ya Mungu katika kufanikisha nia za Mioyo yetu. Kila mmoja ajitoe kwa uwezo wake wote, na hata kama huna fedha, basi endelea kusali kwa ajili ya Mbio hizi, kwani sala ni silaha kubwa na muhimu mno kwa mafanikio ya utume wetu, pia jitahidi kuitangaza Radio yako ili iwafikie watu wengi zaidi.

Kauli Mbiu yetu mwaka huu ni; Tumsaidie Mama Maria naye Atusaidie

Nakushukurusana kwa kujitoa kwako na kutenga muda wako adimu kunisikiliza.

Maria Mtakatifu Mama wa Mungu………………Utuombee

Tumsifu Yesu Kristu.

Humphrey Julius KIRA,

Raisi, Radio Maria Tanzania

UZINDUZI

Naomba sasa kutangaza rasmi, kwa unyenyekevu mkuu na matumaini, kwamba Mbio zetu za kiroho pamoja na Mama yetu Bikira Maria zijulikanazo kama MARIATHON 2016 Zimezinduliwa rasmi, na namba yetu 100200 kwa mitandao yote sasa ipo wazi!

MARIATHON 2016....

RAIS WA RADIO MARIA TANZANIA MH HUMPREY JULIUS KIRA WAKATI WA UZINDUZI WA MBIO MARIATHON KWA MWAKA 2016..

RAIS WA RADIO MARIA MH. HUMPREY JULIUS KIRA PAMOJA NA MKURUGENZI WA RADIO MARIA TANZANIA PADRE. JOHN MAENDELEO (S.C.Sp) WAKATI WA UZINDUZI WA MBIO ZA MARIATHON KWA MWAKA 2016...

KUTOKA KATIKATI NI RAIS WA RADIO MARIA TANZANIA MH.HUMPREY JULIUS KIRA,KUSHOTO NI MRATIBU WA RADIO MARIA TANZANIA NDGU.ANTIPANCY SHINYAMBAALA NA KUTOKA KUSHOTO NI MKURUGENZI WA RADIO MARIA TANZANIA PADRE JOHN MAENDELEO (S.C.Sp)

 

Papa amteua Padri Kassala kuwa Askofu mpya Jimbo la Geita

Baba Mtakatifu Fransisko amemteua Padri Flavian Kassala kuwa askofu mpya wa Jimbo Katoliki Geita.
 
Taarifa iliyotolewa na Katibu Mkuu Baraza la Maaskofu Katoliki Tanzania (TEC) Padri Raymond Saba kwa vyombo vya habari imeeleza kuwa Balozi wa Baba Mtakatifu nchini Askofu Mkuu Fransisko Padilla anayo furaha kutangaza kuwa Papa Fransisko amemteua Padri Kassala kuwa Askofu mpya wa Jimbo la Geita.
 
Mpaka wakati wa uteuzi wake Askofu mteule Kassala alikuwa Mhadhiri katika Chuo Kikuu Kishiriki cha Stella Maris Mtwara.
 
Askofu mteule Kassala amezaliwa Desemba 4, 1967 katika Parokia ya Sumve, Jimbo Kuu Katoliki Mwanza. Alipata masomo yake ya Sekondari katika Seminari ndogo ya Mtakatifu Pio wa X, iliyoko Makoko, Jimbo Katoliki la Musoma.
 
Alijiendeleza zaidi kwenye Seminari Ndogo ya Sanu Jimbo Katoliki Mbulu. Masomo ya falsafa aliyapata kutoka Seminari ya Mtakatifu Anthony wa Padua- Ntungamo, iliyoko Jimbo Katoliki la Bukoba.
 
Askofu mteule Kassala alijipatia elimu ya Teolojia kwenye Seminari Kuu ya Mtakatifu Paulo- Kipalapala iliyoko Jimbo Kuu Katoliki Tabora.
 
Alipewa Daraja Takatifu la Upadri hapo Julai 11, 1999 kama Padri wa Jimbo Katoliki Geita. Baada ya Upadrisho kati ya mwaka 1999 hadi mwaka 2002 alikuwa ni Paroko msaidizi katika Parokia ya Sengerema, Jimbo Katoliki la Geita.
Mwaka 2002- 2004 alikuwa ni mlezi na Padri wa maisha ya kiroho Seminari ndogo ya Bikira Maria Malkia wa Mitume, Jimbo Katoliki Geita pamoja na kuwa Mkurugenzi wa Jimbo kwa Mashirika ya Kimissionari ya Kipapa.
Kuanzia mwaka 2004 hadi mwaka 2012 alitumwa na Jimbo kujiendeleza zaidi katika utume wa vijana na katekesi katika Chuo Kikuu cha Kipapa cha Wasalesiani, kilichoko mjini Roma na hapo akajipatia shahada ya uzamivu.
 
Mwaka 2013 Askofu mteule Kassala alirejea Jimboni Geita na huko akapewa dhamana ya kuratibu miradi ya Jimbo. Kuanzia mwaka 2013- 2015 akepewa dhamana ya kusimamia na kufundisha Chuo Kikuu cha SAUT, Kitivo cha Utalii, Arusha.
 
Mwaka 2015 alihamishiwa katika Chuo Kikuu Kishiriki cha Stella Maris.
 

Itakumbuka kwamba, Jimbo Katoliki Geita limekuwa wazi kuanzia Machi 14, 2014 baada ya Baba Mtakatifu Fransisko kumhamisha na kumpandisha hadhi Askofu Mkuu Damian Dallu kuwa Askofu Mkuu wa Jimbo Kuu Katoliki Songea.

PICHA NA MATUKIO MBALIMBALI WAKATI WA UZINDUZI WA MIAKA ISHIRINI (20) YA RADIO MARIA TANZANIA,ILIYOFANYIKA KATIKA PAROKIA YA MT. MAXMILLIAN MARIA KOLBE MWENGE JIMBO KUU KATOLIKI LA DAR ES SALAAM,ADHIMISHO HILO LIMEONGOZWA NA MHASHAMU TITUS JOSEPH MDOE ASKOFU WA JIMBO KATOLIKI MTWARA...

 

 

MTANGAZAJI FERNANDO MUSSA ( KULIA) AKIWAHOJI WATU MBALIMBALI SIKU YA UZINDUZI YA MIAKA 20 YA RMTZ.

FR. JOHN MAENDELEO (S.C.Sp) AKISOMA INJILI SIKU YA UZINDUZI WA MIAKA 20 RMT.

PAROKO WA PAROKIA YA MWENGE PD. EUGEN AKIMKARIBISHA ASKOFU TITUS MDOE NA WAAMINI WALIOHUDHURIA MISA YA UZINDUZI WA MIAKA 20 RMTZ.

MRATIBU WA RADIO MARIA TANZANIA NDUGU ANTIPANCY SHINYAMBAALA

FR . MAGANGA PAROKO WA PAROKIA YA SINZA WAKATI AKIHAMASISHA WATU WAICHANGIE RADIO AMRIA.

WAAMINI WAKIFURAHIA JAMBO WAKATI HARAMBEE ILIONDESHWA NA FR. MAGANGA , PAROKIANI MWENGE.

ASKOFU TITUS MDOE, ASKOFU WA JIMBO KATOLIKI LA MTWARA AKIPOKEA ZAWADI KUTOKA KWA MKURUGENZI WA MATANGAZO RADIO MARIA TANZANIA FR. JOHN MAENDELEO(S.C.Sp).

KUSHOTO NI FR JOHN MAENDELEO, MKURUGENZI WA MATANGAZO RADIO MARIA TZ,  AKIMKABIDHI ZAWADI FR. UGEN , PAROKO WA PAROKIA YA MWENGE JIMBO KUU LA DAR ES SALAAM.

MKURUGENZI WA MATANGAZO RMTZ FR. JOHN MAENDELEO(S.C.Sp), (KUSHOTO)AKIMKABIDHI ZAWADI FR. SEXBERT PAROKO MSAIDIZI WA PAROKIA YA MWENGE.

MATUKIO  MBALIMBALI WAKATI WA KUUAGA MWILI MAREHEMU  BABA ASKOFU MSTAAFU MHASHAMU MATHIAS ISSUJA.

BALOZI WA BABA MTAKATIFU NCHINI ASKOFU MKUU FRANSISKO PADILLA AKITABARUKU KANISA JIPYA JIMBO KATOLIKI KAHAMA.                   

Balozi wa Baba Mtakatifu nchini Askofu Mkuu Fransisko Padilla akiweka jiwe la msingi katika jengo la masomo ya TEHAMA katika shule ya wasichana ya Mtakatifu Theresia wa Avilla Jimbo Katoliki Kahama katika ziara yake ya kichungaji ya siku tano jimboni humo


Kanisa jipya la Parokia ya Ekaristi Takatifu -Kabuhima

Padri Andrew Maziku akiwa amebeba masalia ya Watakatifu  ya kuzikwa kwenye  Altare wakati wa maandamano ya kuelekea kanisa jipya la Ekaristi Takatifu -Kabuhima jimbo la Kahama  wakati wa misa ya kutabaruku kanisa hilo.

Watoto wa shirika la Kipapa la Utoto Mtakatifu wa Yesu wakiongoza maandamano siku ya kutabaruku kanisa jipya la Parokia ya Ekaristi Takatifu -Kabuhima  jimbo la Kahama. 

Balozi wa Baba Mtakatifu nchini Askofu Mkuu Fransisko Padilla akikata utepe kufungua kanisa jipya la Parokia ya Ekaristi Takatifu -Kabuhima Jimbo Katoliki Kahama  lenye uwezo wa kuingiza waamini zaidi ya 1,500  kwa  mara moja.

Paroko wa Parokia ya Ekaristi Takatifu -Kabuhima  Padri Salvatore Guerrera  akifungua rasmi mlango wa kanisa jipya  baada ya kupewa ufungua  na Balozi wa Baba Mtakatifu Nchini  Askofu Mkuu Fransisko Padilla baada ya kukata utepe.

Balozi wa Baba Mtakatifu nchini Askofu Mkuu Fransisko Padilla akipaka mafuta matakatifu ya Krisma katika Altare alipokuwa akitabaruku kanisa jipya la Parokia ya Ekaristi Takatifu -Kabuhima, kushoto ni Paroko wa Parokia hiyo Padri Salvatore Guerrera

Balozi wa Baba Mtakatifu Nchini Askofu Mkuu Fransisko Padilla  akizika masalia ya Watakatifu katika Altare ya Kanisa jipya la Parokia ya Ekaristi Takatifu -Kabuhima  jimbo la Kahama alipolibariki na kulitabaruku. Katikati ni Askofu wa Jimbo la Kahama Mhashamu Ludovick Minde na kushoto ni Paroko wa Parokia hiyo Padri Salvatore Guerrera.

TANZIA BARAZA LA MAASKOFU KATOLIKI                  13 April     

k

Baraza la Maaskofu Katoliki Tanzania linasikitika kutangaza kifo cha Baba Askofu mstaafu wa Jimbo kuu katoliki Dodoma Mhashamu Askofu Mathias Joseph Issuja ambaye amefariki usiku wa kuamkia leo katika hospitali ya Mt.Gaspar Itigi.

Wasifu wa marehemu kwa ufupi:

Matthias Joseph Issuja (amezaliwa 14 Agosti 1929,amefariki tarehe 13 Aprili 2016,Aliwekwa wakfu na Kardinali Laurean Rugambwa mwaka 1972.
Tangu mwaka huo hadi 2005, alipostaafu, alikuwa askofu wa Jimbo la Dodoma.
Kwa asili, Askofu Issuja ni Mrangi aliyetoka Haubi.

TARATIBU ZA MAZISHI ZITATOLEWA BAADAYE.

MWENYEZI MUNGU AMPUMZISHE MAHALA PEMA PEPONI,AMINA.

Taarifa hii kwa hisani ya blog ya Baraza la Maaskofu  Katoliki Tanzania.

 

RAIS WA BARAZA LA MAASKOFU KATOLIKI TANZANIA NA ASKOFU WA JIMBO KATOLIKI  LA IRINGA, MHASHAMU TARCISIUS NGALALEKUMTWA AKIMPONGEZA SISTER GETRUDE SEKAGALI  WA SHIRIKA LA MT. TERESIA WA MTOTO YESU JIMBONI BAADA YA MISA TAKATIFU YA KUMSHUKURU MUNGU KWA KUTIMIZA MIAKA 100 YA KUZALIWA.SISTER HUYO.                                                                                                          05/04/2016

MHASHAMU ASKOFU TARCISIUS NGALALEKUMTWA, AKISALIMIANA NA SR, ANYES NYAVILI WA SHIRIKA LA MT. TERESIA WA MTOTO YESU JIMBO LA IRINGA.   

05/04/2016                                                                                                           

ASKOFU MKUU PADILIA AHAMISHWA KUTOKA TANZANIA!                

 

Baba Mtakatifu Francisko amemteua Askofu mkuu Francisco Montecillo Padilla, kuwa Balozi mpya wa Vatican nchini Kuwait na mjumbe wa kitume kwenye Kisiwa cha Kiarabu. Itakumbukwa kwamba, kabla ya uteuzi huu, Askofu mkuu Francisco Padilla alikuwa ni Balozi wa Vatican nchini Tanzania!

Askofu mkuu Francisco Montecillo Padilla alizaliwa kunako tarehe 17 Septemba 1953 Jijini Cebu, Ufilippini. Baada ya masomo na majiundo yake ya kikasisi, akapewa Daraja Takatifu la Upadre hapo tarehe 21 Oktoba 1976. Tarehe 1 Aprili 2006 akateuliwa kuwa Askofu mkuu na Balozi wa Vatican nchini Papia New Guinea na Visiwa vya Solomon. Tarehe 23 Mei 2006 akawekwa wakfu kuwa Askofu mkuu. Tarehe 10 Novemba 2011 akateuliwa na Baba Mtakatifu mstaafu Benedikto XVI kuwa Balozi wa Vatican nchini Tanzania!

Na Padre Richard A. Mjigwa, C.PP.S.


Idhaa ya Kiswahili ya Radio Vatican.

 .,,,,,,,,,,,,

IBADA YA MISA  TAKATIFU MAALUM KWA WAGONJWA,KWA AJILI YA KUPAKWA MAFUTA YA WAGONJWA NA KUABUDU EKARISTI,KATIKA PAROKIA YA YESU MWENYE HURUMA MWANGA JIMBO KATOLIKI SAME,ILIONGOZWA NA PADRE PETER BUYNOVISKY.

.................................................................

 

 

ASKOFU MKUU WA JIMBO KUU KATOLIKI LA SONGEA MHASHAMU DAMIANI DALLU AMEWAHIMIZA WAAMINI WA KIKRISTO NCHINI KUTAMBUA KUWA UFUFUKO WA YESU KRISTO NI ISHARA YA UPENDO NA IMANI, HIVYO WANATAKIWA KUIDUMISHA KWA NCHI ZINGINE WANAITAMANI.

ASKOFU DALLU AMETOA WITO HUO HIVI KARIBUNI KATIKA HOMILIA YAKE WAKATI AKIADHIMISHA IBADA YA MISA TAKATIFU KATIKA KANISA KUU LA KIASKOFU LA MTAKATIFU MATHIAS MULUMBA KALENGA JIMBONI HUMO.

AMESEMA TANZANIA NCHI YA AMANI TANGU ZAMAMNI, HIVYO AMANI HIYO INAPASWA KUENDELEA KULINDWA, NA WATU WABAYA WENYE NIA YA KULETA VURUGU WASIPEWE NAFASI YA KUIVURUGA.

AIDHA ASKOFU DALLU AMEWAASA WAAMINI KUWA MAKINI NA BAADHI YA WAHUBIRI AMBAO WAMEKUWA WAKIPITA MITAANI NA KUJIITA MANABII NA MITUMEME, HUKU WENGINE WAKIJIITA MABILIONEA NA PINDI SERIKALI INAPOTAKA KUDAI KODI YAKE WANAKUWA WA KWANZA KULALAMIKA.

HATA HIVYO AMEWATAKA WAAMINI KUTOJIHUSISHA NA MAMBO YA KISHIRIKINA KWANI KWA KUFANYA HIVYO WANAKUWA WANAJIDUMAZA KIROHO, NA BADALA YAKE WAENDELEE KUMTEGEMEA NA KUMTUMIKIA MUNGU PEKEE.

                             ............................................................................

ASKOFU MSAIDIZI WA JIMBO KUU LA ARUSHA, MHASHAMU PROSPER BALTAZAR LYIMO AMEWATAKA WANAKWAYA WA KANISA KATOLIKI KUMSHUKURU MWENYEZI MUNGU KWA KARAMA NA VIPAJI ALIVYOWAPA KUPITIA UINJILISHAJI WA NYIMBO.

ASKOFU LYIMO AMEYASEMA HAYO KATIKA ADHIMISHO LA IBADA YA MISA TAKATIFU YA JUMATATU YA PASAKA KATIKA KANISA LA MT JOSEPH MFANYAKAZI, PAROKIA YA OLASITI JIMBO KUU LA ARUSHA, MISA ILIYOWAKUSANYA WANAKWAYA WOTE WA JIMBO HILO (SHIKWAKA).

AMESEMA KUWA, WANAKWAYA HAWANA BUDI KUMSHUKURU MUNGU KWA ZAWADI HIYO NA NI VEMA WAKATUNGA NA KUMSIFU MUNGU KWA NYIMBO ZENYE KUHUBIRI UPENDO, AMANI, UTULIVU, FARAJA NA BARAKA ILI ZIWASAIDIE WAAMINI TAIFA LA MUNGU KUMFUASA  NA KUMTEGEMEA KRISTO SIKU ZOTE.

AIDHA AMEWATAKA KUTUMIA SALA NA MATENDO MEMA KAMA  DIRA YAO  SAMBAMBA NA KUUISHI UBATIZO KIAMINIFU WAMSHUHUDIE KRISTO, WAILINDE NA KUITUNZA IMANI, KUITETEA NA KUTENDA HAKI, KUPINGA VITA UKATILI NA UNYAMA KWA NJIA YA NYIMBO NA KUMTEGEMEA MUNGU KATIKA CHANGAMOTO ZOTE WANAZOKUTANA NAZO.

AIDHA ASKOFU LYIMO AMEWAOMBA KUHUBIRI HURUMA YA MUNGU KWA KUWA NI MWAKA WA JUBILEI YA HURUMA YA MUNGU HIVYO WANAPASWA KUTUNGA NYIMBO ZENYE UJUMBE WA HURUMA ILI WAAMINI WAONJE NA KUENEZA KWA WATU WENGINE KWAKUWA HURUMA NI MSINGI  THABITI  WA UHAI  WA KANISA NA NENO LA MUNGU LINATUTAKA KUWA NA HURUMA

                                         .................................................................

ASKOFU MSAIDIZI WA JIMBO KUU KATOLIKI  LA DAR ES SALAAM MHASHAM  EUSEBIUS NZIGILWA AMEWATAKA VIONGOZI WOTE WALIOPEWA DHAMANA YA UONGOZI KUTENDA HAKI NA KUACHA TABIA YA UBINAFSI IKIWEMO KUFANYA MAAMUZI YA  KUSHINIKIZWA.

ASKOFU NZIGILWA AMETOA WITO HUO HIVI KARIBUNI KATIKA HOMILIA YAKE WAKATI AKIHADHIMISHA IBADA  YA  IJUMAA KUU  KATIKA PAROKIA MT.MAXMILLIAN MARIA KOLBE MWENGE JIMBO KUU LA DAR ES SALAAM.

AMESEMA VIONGOZI WOTE WALIOPEWA DHAMANA WAWE WADINI AMA WA KISERIKALI WANAPASWA KUFANYA MAAMUZI YENYE  KUTENDA HAKI NA KAMWE WASIFANYE MAAMUZI KWA SHINIKIZO LA MTU MWINGINE,KWANI NI HERI KUFA SHAHIDI KULIKO KUANGAMIZA DAMU ZA WATU WASIO NA HATIA.

AIDHA ASKOFU NZIGILWA AMEWATAKA WAAMINI KUTUMIA IBADA YA IJUMAA KUU KUWA KIELELEZO CHA UPENDO KWA WENGINE NA KAMWE  USALITI USIWEPO KWA KUWA NI JAMBO BAYA LINALOLETA UHARIBIFU.

AMEBAINISHA KWAMBA USALITI ULIOFANYWA NA YUDA ISKARIOTE WA KUMBUSU YESU KRISTO NI JAMBO GUMU LINALOTAKIWA KUEPUKWA NA WANADAMU KWA SABABU NI SUMU INAYOUA.  

MHASHAMU ASKOFU ROGAT KIMARIO WA JIMBO KATOLIKI SAME AKIFUNGUWA NYUMBA YA MASISTER WA URUSULA WA MT.FRANCISPAROKIA YA KIFARU JIMBONI HUMO..

 MHASHAMU ASKOFU TARCISIUS NGALALEKUMTWA RAIS WA BARAZA LA MAASKOFU KATOLIKI TANZANIA NA ASKOFU WA JIMBO LA IRINGA WAKATI WA MAHUBIRI ALIPO KUWA AKITOA DARAJA TAKATIFU LA USHEMASI KATIKA KANISA KUU LA MOYO MTAKATIFU WA YESU PAROKIA YA KIHESA JIMBONI IRINGA

MHASHAMU ASKOFU TARCISIUS NGALALEKUMTWA RAIS WA BARAZA LA MAASKOFU KATOLIKI TANZANIA NA ASKOFU WA JIMBO LA IRINGA KATIKA PICHA YA PAMOJA NA MASHEMASI WAPYA PAMOJA NA MAPADRE NJE YA KANISA KUU LA MOYO MTAKATIFU WA YESU PAROKIA YA KIHESA IRINGA


BAADHI YA WATAWA KATIKA ADHIMISHO LA MISA YA KUFUNGA MWAKA WA WATAWA ILIYO FANYIKA KATIKA KANISA KUU LA MOYO MTAKATIFU WA YESU PAROKIA YA KIHESA JIMBONI IRINGA.

............................................................

MATUKIO MBALIMBALI  KATIKA IBADA YA MISA TAKATIFU YA KUBARIKI MAFUTA YA KRISMA ILIYOFANYIKA KATIKA KANISA KUU LA EPIFANIA BUGANDO JIMBO KUU KATOLIKI LA MWANZA, ADHIMISHO HILO LILIONGOZWA NA MHASHAMU ASKOFU MKUU YUDA THADEI RUWAICHI .

 

MATUKIO MBALIMBALI KATIKA IBADA YA MISA TAKATIFU YA KUBARIKI MAFUTA MATAKATIFU KRISMA JIMBO KUU KATOLIKI LA DAR ES SALAAM, ADHIMISHO HILO LILIONGOZWA NA MHASHAMU ASKOFU EUSEBIUS NZIGILWA.

BAADHI YA  PICHA MBALIMBALI ZA VIJANA WA JIMBO KUU KATOLIKI LA ARUSHA WAKIWA KATIKA HIJA KWENYE MLIMA KANAANI ILIOAMBATANA NA KUSALI NJIA YA MSALABA WAKIONGOZWA NA MHAS: ASKOFU MKUU JOSAPHAT LOUIS LEBULU.



PICHA 1.



PICHA 2.



PICHA 3.

 

 

Vijana Wakatoliki wametakiwa kuyaishi matendo ya Huruma ya MUNGU sambamba na kuikimbilia Sakramenti ya kitubio ili kuwa Vijana wazuri na wenye tija kwa jamii na Taifa kwa ujumla.Wito huo umetolewa jana jijini DAR ES SALAAM katika semina ya Vijana Wakatoliki wa Jimbo kuu Katoliki la DAR ES SALAAM iliyokuwa na lengo la kuwawezesha vijana kutambua Huruma ya MUNGU na upendo wa MUNGU katika maisha yao.Katibu Mkuu wa Baraza la Maaskofu TANZANIA Padre RAYMOND SABA akizungumza katika semina hiyo, amewataka Vijana kuiona Huruma ya MUNGU na kuyafanya matendo ya Huruma kuwa sehemu ya maisha yao kwani kufanya hivyo itakuwa njia sahihi ya kuishi kwa upendo, amani na furaha kwao na jamii kwa ujumla.Padre SABA ameongeza kuwa changamoto mbali mbali za kimaisha zinazoonekana hivi sasa zinatokana na jamii kukosa matendo ya Huruma, hivyo endapo Vijana watayaishi matendo hayo, changamoto hizo zitapungua kwa kiasi kikubwa.Naye, Mkurugenzi wa Idara ya Katekisi wa Jimbo kuu la DAR ES SALAAM Padre BENNO KUKUDO amewasihi vijana kuipenda na kuikimbilia sakramenti ya kitubio kila wakati ili kupokea msamaha wa dhambi, kwa kuwa MUNGU ni wa huruma na atasamehe dhambi zao.

 

BAADHI YA MARAFIKI WA RADIO MARIA JIMBO KATOLIKI LA MOSHI MKOANI KILIMANJARO WAKIJIAANDA KUANZA MKUTANO MKUU WA PILI WA MARAFIKI WOTE.

MARAFIKI WA RADIO MARIA MKOANI KILIMANJARO WAKIWA KATIKA MKUTANO MKUU WA PILI WA MARAFIKI WOTE ULIOFANYIKA KATIKA UKUMBI WA KRISTO MFALME MKAONI HUMO.

NDUGU SIMON MARK WA KIGANGO CHA HURUMA PAROKIA YA KIROKOMU MOSHI AKIFAFANUA JAMBO KATIKA MKUTANO HUO.

ASKOFU ISAAC AMANI WA JIMBO​ KATOLIKI MOSHI AMBAYE NI MWENYEKITI WA UMOJA WA MAKANISA YA KIKRISTO MOSHI, AKITOA NENO LA UFUNGUZI WAKATI WA SIKU YA KUFUNGA KONGAMANO LA UMOJA WA MAKANISA LILILOFANYIKA KATIKA VIWANJA VYA KRISTO MFALME MOSHO TAREHE 06/03/2016.

MAPADRI NA WACHUNGAJI WAKIWA KWENYE KONGAMANO LA UMOJA WA MAKANISA MKOANI KILIMANJARO

MRATIBU WA RADIO MARIA TANZANIA AKIELEZEA UMUHIMU WA KUWA MWANAKAMATI MBELE YA WANAKAMATI WA MIAKA 20 YA RMTZ,KUSHOTO NI PADRE JOHN MAENDELEO MKURUGENZI WA MATANGAZO RADIO MARIA TANZANIA.

WAAMINI WA PAROKIA YA MT.THERESIA WA MTOTO YESU TARAZO JIMBO KUU LA MWANZA WAKIWA KATIKA IBADA YA KUABUDU EKARISTI TAKATIFU.

 

BALOZI WA BABA MTAKATIFU ASKOFU MKUU FRANCIS PADILIA WAKATI AKISOMA HATI YA BABA MTAKATIFU JUU YA UTEUZI WA ASKOFU TITUS MDOE KATIKA KANISA LA WATAKATIFU WOTE JIMBONI MTWARA BAADA YA KUSIMIKWA ASKOFU TITUS MDOE KUWA ASKOFU WA JIMBO KATOLIKI LA MTWARA

 

KATIKATI NI ASKOFU TITUS MDOE KABLA YA KUSIMIKWA KUWA ASKOFU WA JIMBO LA MTWARA, KULIA NI ASKOFU MKUU WA JIMBO KUU LA SONGEA MHASHAMU DAMIAN DALLU,NA KUSHOTO NI ASKOFU WA JIMBO LA IRINGA NA RAIS WA BARAZA LA MAASKOFU KATOLIKI TANZANIA WAKIWA KATIKA ENEO LA MPAPULA MPAKANI MWA JIMBO LA LINDI NA MTWARA.

ASKOFU MKUU WA JIMBO KUU KATOLIKI  LA MWANZA MHASHAMU YUDATHADEI  RUWAICHI WAKATI AKITOA HOMILIA KATIKA MISA TAKATIFU YA KUMSIMIKA ASKOFU WA JIMBO LA MTWARA TITUS MDOE.

                              ASKOFU TITUS MDOE AKIFUNGUA MLANGO MKUBWA WA KANISA LA WATAKATIFU WOTE,KANISA LA KIASKOFU JIMBONI MTWARA.

ASKOFU MTEULE WA JIMBO LA MTWARA TITUS MDOE AKITOA BARAKA KWA WANAJIMBO LA MTWARA,LINDI NA DAR ES SALAAM WALIOKUJA KUMPOKEA KATIKA KIJIJI CHA MPAPULA MPAKANI MWA JIMBO LA LINDI NA MTWARA.

ASKOFU IZACK AMANI AKIHUBIRI WAKATI WA MISA YA KUWAPA DARAJA LA USHEMASI MAFRATERI 12

MAFRATERI WAKIWA WAMELALA KIFUDI FUDI WAKATI WAKIOMBEWA LITANIA YA WATAKATIFU WOTE.

MAPADRI WAKIWAVISHA MASHEMASI WAPYA MAVAZI YA KISHEMASI(DALMATICA)

Kutoka kushoto ni mhamasishaji mkuu wa RMTz bi. Veronica Mwita,anayefuata kulia kwake  ni Rais wa marafiki RMTz, ndg Humphrey Julius  Kira,kulia kwake ni Fr. John Maendeleo (S.C.Sp) mkurugenzi wa matangazo RMTz, kulia kwa mkurugenzi ni mratibu wa RMTz ndg Antipas Shinyambala, wakiwa wanajiandaa kutoa taaryakufunga  kapu la mama oktoba 2015, taarifa hiyo ilisomwa na Rais wa RMTz  tarehe 12/11/2015.

 


PADRI  MONSINYORI DEOGRATIUS MBIKU, AKIWA KATIKA PICHA YA PAMOJA NA WANAUTUME, KUTOKA RADIO MARIA NA BAADHI YA WAAMINI WA PAROKIA YA MBURAHATI, SIKU YA UZINDUZI WA KAPU LA MAMA

 

       WANAUTUME WA RADIO MARIA TANZANIA,WAKIWA KATIKA PICHA YA PAMOJA

 

 

RAIS WA MARAFIKI WA RADIO MARIA TANZANIA NDUGU HUMPHERY JULIUS KIRA AKISOMA RIPOTI YA MARIATHON KWA MWAKA 2015...PEMBENI NI MKURUGENZI WA MATANGAZO RADIO MARIA PADRE JOHN MAENDELEO..

 

MKURUGENZI WA MATANGAZO WA RADIO MARIA PADRE JOHN MAENDELEO AKIONGOZA MISA TAKATIFU YA KILELE CHA MARIATHON KATIKAPAROKIA TEULE YA MT. YOHANE MWINJILI JIMBO KUU LA DAR ES SALAAM.

 BAADHI YA WANAUTUME WA RADIO MARIA TANZANIA WAKIWA KATIKA MISA TAKATIFU.

BI THEODOSIA MAHALI SILAYO(KULIA)AKIWA NA MTANGAZAJI AGNES SHAYO HIZA KATIKA KUSHIRIKI MBIO ZA MAMA MARIA (MARIATHON) KATIKA STUDIO ZA RADIO MARIA....

 

 MKURUGENZI WA MATANGAZO RADIO MARIA TANZANIA PADRE JOHN MAENDELEO, AKITOA MAHUBIRI WAKATI WA MISA TAKATIFU YA UZINDUZI WA MARIATHONI JIMBO KUU KATOLIKI LA DAR ES SALAAM, KATIKA PAROKIA YA WATAKATIFU MASHAHIDI WA UGANDA MAGOMENI...

BAADHI YA WAAMINI WA PAROKIA YA WATAKATIFU WA MASHAHIDI WA UGANDA MAGOMENI WALIOHUDHURIA MISA YA UZINDUZI WA MARIATHON KWA JIMBO KUU KATOLIKI LA DAR ES SALAAM

BAADHI YA WANAFAMILIA WA RADIO MARIA WAKIWA KATIKA UZINDUZI WA MARIATHON KWA MWAKA 2015

RAIS WA RADIO MARIA TANZANIA NDUGU HUMPHREY JULIUS KIRA AKIZINDUA RASMI MBIO ZA MAMA YETU BIKIRA MARIA [MARIATHON] MWAKA HUU 2015. KARIBU NAWE USHIRIKI MBIO HIZI KATIKA NAMBA 100200........

 

MKURUGENZI WA RADIO MARIA PADRI JOHN MAENDELEO  AKIZUNGUMZA KATIKA UZINDUZI WA MARIATHON KWA MWAKA 2015..........

 

 

 

 

 

 

 

 

 

 

 

 

 

 

 

 

 

 

Gravatar

Radio Maria Kiganjani Mwako

Android Devices
 
Apple Devices
 
Windows Phone Devices